跟外藉友人談到韓式美肌哲學,想不到竟然是劣評如潮:
「每晚skincare要用十幾樣野?咪玩啦!」
「一係勁平,一係勁貴,無中間消費。」
「幾十蚊就有咁濃人參味?一定係添加嘅假香味。」
「爽膚水已經好厚,Block住之後啲skincare滲透唔到。」
「啲cushion太白,面頸明顯唔同色,怪。」(這一項在今年港姐首次面試更覺明顯,是香港女生化韓妝的通病)
韓國護膚品有好多牌子、好多item;識得用,其實可以好好用!今次分享一下點樣醒醒目目用韓牌,做到韓式減齡效果,又唔會浪費金錢及拖累皮膚質素。
減齡重點1:敷mask要識揀——揀啱大小、質感、成分及價位
敷面膜最怕面膜太小。我面大又圓,太小的面膜無法敷到髮邊,偏偏面部邊緣才是緊緻重點!面膜最好是柔軟、貼服,鼻翼位置也要完整覆蓋。成分方面要盡量天然,我偏愛蘆薈、蜂蜜、綠茶等舒緩成分,或者珍珠粉、魚子等修護成分。價位最好不要太太太貴,HK$100內有幾片又好用就最理想,CP值高。
韓牌幾乎一定有推出面膜,因為韓國人實在太愛敷mask。要達到韓式減齡,最懶也要一星期敷到三次mask,心急者可以連續一星期敷7天密集修護。建議日間或曬後敷蘆薈或蜂蜜mask,晚間睡前或約會前敷較滋潤的珍珠或魚子mask。