◕◡◕焦糖燉蛋軟滑甜美♥I love 戟 – 日式班戟專門店

是夜到筲箕灣晚飯,

飯後甜品揀左呢間I love 戟 – 日式班戟專門店,

其實想試好耐,今晚終於有機會試到!

每次行過都好多人潮,今晚早左食完晚飯,

終於冇咁多人排隊啦~

I love 戟主打焦糖燉蛋雪糕班㦸,

底部有一球自選口味嘅雪糕。

雪糕方面都有好多選擇,

我就揀左沖繩海鹽味~

班戟即叫即製,煙煙韌韌,充滿蛋香,

焦糖燉蛋表層金黃香脆,燉蛋軟滑甜美,

質感滑溜,中間仲有木糠同忌廉,

底層有沖繩海鹽味雪糕,口感層次豐富,正!