年僅19歲當爸！小鮮肉男模Lucky Blue Smith女兒出世了

仲記唔記得佢？3年前出道時年僅 16 歲的男模 Lucky Blue Smith 忽然走紅，憑著陽光又帶點叛逆的臉孔及189cm的身型，俘虜萬千少女，想當年他旋風式襲港，所到之處都擠滿女粉絲，又超親民任摸唔嬲，從此時尚界無人唔識佢！

3年後，19歲的Lucky突然在他的Instagram宣佈，他和模特兒女友Stormi Bree的愛情結晶品經已誕生了！黑白照中看見Lucky手抱著女兒，一臉慈父的樣子，並向粉絲們介紹她的小公主Gravity Blue Smith ！

而女友Stormi Bree也貼出一家三口的溫馨照，幸福滿瀉！

究竟Stormi Bree憑什麼挷得住呢位天使男模的心呢？1990年出生嘅Stormi，是一位美國歌手、演員及模特兒。現年26歲的她原來是選美出身，係美國多個選美大賽中奪冠，因2011年的選秀節目《American Idol》而走紅。而在Miss Teen USA贏得冠軍頭銜令她有機會接下不少時裝廣告，因工作關係與Lucky Blue Smith相識，然後火速墜入愛河！

Lucky為女兒改名為「Gravity」都好特別，意指地心吸力，甚少有人改Gravity作人名，不過在Pop culture中就出現過好幾次！如電影Kick-Ass 2裡面就有個角色就叫Doctor Gravity；3年前由佐治古尼主演、橫掃奧斯卡獎項的電影也以Gravity命名！

回想起Lucky Blue Smith初出道時，就好似係尋日嘅事，真係估唔到佢咁快就榮升人父，當年有份瘋狂追星、同Lucky攬攬錫錫的女粉絲們，如今只好默默地隔著屏幕為男神送上祝福了！